ދަރިން ފަތިސްނަމާދަށް ގޮވުމަށް ބެލެނިވެރިންނާއި މައިންބަފައިންގެ ފަރާތުން އެދެމުންދާތީ ބައެއް ބެލެނިވެރިން އެކަމާ ހިތްހަމަ ނުޖެހި، ދަރިވަރުންނަށް ނަފްސާނީ ގެއްލުން ދެނީކަމުގައި ބުނެ މާލޭގެ ބައެއް ސްކޫލުތަކުގެ އިސްވެރިންނަށް ގުޅާ އެއްޗެހި ކިޔުމަކީ ސައްތައިން ސައްތަ މި އިސްލާމީ މުޖުތަމަޢުގައި ހިނގާނެ އެންމެ ދަށު ދަރަޖައިގެ އެއް ޢަމަލެކެވެ. މިކަންތައް ހިނގިތާ ހަފްތާއެއް ވީތަނާ، ސްކޫލުތަކުގައި ނަމާދުކުރެވޭނެ ގޮތް ހަމަޖައްސަވައިދެއްވަން މިނިސްޓްރީ އޮފް އިސްލާމިކް އެފެއާޒުން ނިންމި ނިންމުމަކީ އުފާވެރި ޚަބަރެކެވެ. ހެޔޮ ފާލެކެވެ. ސްކޫލުގަޑީގައި ދަރިވަރުންނާއި ޓީޗަރުންނަށް ނަމާދުކުރެވޭނެ ގޮތަށް، ނަމާދު ކުރެވޭނެ ތަނަކާއި ވަގުތު ހުސްކުރުމަކީ ކޮންމެހެން ލާޒިމު ކަމެކެވެ. މީގެ ކުރިން މިފަދަ ކަންކަމަށް ސަރުކާރުން ބާރުނާޅާ ދޫކޮށްލުމުގެ ހިތި ނަތީޖާ މިއަދު މިދަނީ ދިވެހި މުޖުތަމަޢުން ފެންނަމުންނެވެ. އެހެންކަމުން، މިކަން އަވަސްކޮށް ޢަމަލީ ފިޔަވަހި ލަސްނުކޮށް ކުރިއަށް ގެންދިއުމަށް އަދުގެ ސަރުކާރަށް ގޮވާލަމެވެ
Assalaamu'alaikum,
ReplyDeleteJazaakAllah khairan for the great work you're doing. We need more people like you. Masha Allah..
Keep it up..