މިއަހަރު ކޮލެޖު ކައުންސިލަށް ދަރިވަރަކު އައްޔަނުކުރުމަށް ބާއްވާ އާއްމު އިންތިހާބަށް ކުރިމަތިލުމަށް ހުޅުވާލި ފުރުޞަތު ހަމަވިއިރު އެކަމަށް ކުރިމަތިލާފައިވަނީ ފެކަލްޓީ އޮފް އެޑިޔުކޭޝަންއިން, އަޅުގަނޑު އަޙްމަދު މުޙައްމަދާއި އަދި ފެކަލްޓީ އޮފް ޝަރީޢާ އެންޑް ލޯގެ ދަރިވަރު އަޙްމަދު ޝިފާޢު ކަމުގައި މޯލްޑިވްސް ކޮލެޖު އޮފް ހަޔަރ އެޑިޔުކޭޝަންއިން ހާމަކޮށްފިއެވެ. މިކަން ހާމަކޮށް ކޮލެޖުގެ ވައިސް ރެކްޓަރ އިއްޔެގެ ވަގުތެއްގައި ދެ ކެނޑިޑޭޓުންނަށް ވަކިވަކިން ފޮނުވި ސިޓީގައިވާ ގޮތުން އިންތިހާބު ބާއްވާނެ ދުވަހެއް ވަރަށް އަވަހަށް ޢިޢުލާން ކުރާނެކަން ބަޔާންކުރައްވާފައިވެއެވެ.
މިއިންތިހާބު މިމަހުގެ ފަހުކޮޅު ބާއްވާގޮތަށް ނިންމާފައިވާކަންވެސް ކެނޑިޑޭޓުންގެ ސަމާލުކަމަށްޓަކައި ފާހަގަ ކުރައްވާފައިވެއެވެ. މި ސިޓީގައި އިތުރަށް ބަޔާންކުރައްވާފައިވާ ގޮތުން، 1 އޭޕްރީލުން ފެށިގެން ކެނޑިޑޭޓުންނަށް ކެމްޕޭނު ކުރުމުގެ ހުއްދަ ކައުންސިލަށް މެމްބަރުން ހޮވުމަށް ބާއްވާ ޢާއްމު އިންތިހާބާއި ބެހޭ ޤަވައިދުގައިވާ ގޮތުގެ މަތީން ދީފިއެވެ. މިހެންކަމުން، އަޅުގަނޑުގެ ކެމްޕެއިން މިމަހުގެ 5 ވާ އާދިއްތަ ދުވަހު ރަސްމީކޮށް ފަށާގޮތަށް ވަނީ ހަމަޖެހިފައެވެ. މިގޮތުން، ކެމްޕެއިނުގައި ބޭނުންކުރާ ޕޯސްޓަރާއި އެހެނިހެން ތަކެތި ރަސްމީކޮށް ނެރެ، ވޯޓުލުމުގެ ޙައްގުލިބިފައިވާ ކޮލެޖުގެ އެންމެހާ ދަރިވަރުން ކިޔަވަމުންދާ ފެކަލްޓީ ކެމްޕަސްތަކަށް ކެމްޕެއިން މެނޭޖަރުން ކަނޑައެޅުން އޮންނާނެއެވެ. މިކަމުގައި ދަރިވަރުންގެ ފަރާތުން މިހާރުވެސް ލިބެމުންދާ އެހީތެރިކަމާއި އެއްބާރުލުމަށް ނިހާޔަތަށް ޝުކުރުވެރިވަމެވެ.
Ahmed...
ReplyDeleteKeep up ur good work going... and wishing u all the best for your campaign...
good luck...
Dhonbe